Малаа хариулахаар гарсан охин сураггүй болжээ
2018 оны 8 сарын 9
Хөвсгөл аймгийн Рэнчинлхүмбэ сумын Далайн зах багийн “Товог-Уул” гэдэг газар энэ сарын 7-ны өдөр 13 настай охин малаа хариулж яваад сураггүй алга болжээ. Тэрбээр өглөө эрт найман цагт гэрээсээ малаа туугаад гарсан бөгөөд орой гэртээ ирээгүй тул ар гэрийнхэн нь өөрсдийн хүрээлэлд эрэн хайгаад үр дүнд хүрээгүй байна. Тиймээс маргааш нь 11:00 цагийн үед аймгийнхаа онцгой байдлын албанд дуудлага өгчээ.

Дуудлагын дагуу онцгой байдлын алба хаагчдаас гадна тус сумын Засаг даргын Тамгын газрын даргаар ахлуулсан 57 иргэн эрэн хайр ажиллагаанд оролцож буй аж. Өчигдрийн байдлаар тус нутагт орших “Товог” уулын орчмоор 15 км тойрогт эрлийг зохион байгуулсан боловч үр дүнд хүрээгүй тул орой мөн 21:55 цагт эрлийг түр зогсоожээ. Өнөөдөр өглөө эрлийн ажиллагааг дахин эхлүүлсэн байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй