ЗТХЯ-ны дарга нар нэгнийхээ аминд хүрчээ
2018 оны 8 сарын 10
Зам тээвэр хөгжлийн яамны дарга нар архи ууж байгаад маргалдаж, нэгнийхээ амь насыг хөнөөсөн хэрэг гарчээ. Тодруулбал, өчигдөр орой 22.00 цагийн орчимд Зам тээврийн хөгжлийн яамны байр буюу Засгийн газрын 13-р байранд хүн амины хэрэг гарсан байна. 

Эх сурвалжийн мэдээлснээр, амиа алдсан Г нь Зам тээвэр хөгжлийн яамны Хяналт шинжилгээ үнэлгээ дотоод аудитын газрын дарга байжээ. Харин түүний аминд хүрсэн М нь Төрийн тусгай удирдлагын газрын дарга аж. Тэд архи ууж байгаад хоорондоо маргалдаж, улмаар зодоон хийж нэгнийхээ аминд хүрсэн байна. 

Энэ талаар ЦЕГ-ын хэвлэлийн төлөөлөгч, мэргэжилтэн М.Мөнхшүрээс тодруулахад “Зам тээврийн яамны байрны гадаа хүн нас барлаа гэсэн дуудлага 21:45 минутад ирсэн. Дуудлагын дагуу цагдаагийн байгууллага хэргийн газарт очиж шалгахад  эрэгтэй Г нас барсан болох нь тогтоогдсон. Мөрдөн байцаах үйл ажиллагаа үргэлжилж байна. Хохирогч болон хэрэгт холбогдсон хүний талаарх мэдээллийг өгөх боломжгүй” гэсэн хариултыг өглөө.

Эх сурвалж: Zaluu.com
Эх сурвалж www.wikimon.mn
Б.Анир
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй