Бариста нар аваргаа тодруулна
2018 оны 8 сарын 10
Бариста нарын аварга шалгаруулах тэмцээн Resto Expo UlaanBaatar-2018 үзэсгэлэн яармагийн хүрээнд зохион байгуулагдахаар болжээ. Сүүлийн үед бид бариста гэдэг мэргэжлийн тухай ихээр сонсох болсон. Баарны тавцангийн ард зогсдог хүнийг ингэж хэлнэ гэж олон хүн боддог. Тэгвэл тийм биш аж. 

Бариста гэдэг нь голчлон эспрессо кофег бэлтгэдэг мэргэжлийн кофе найруулагч, чанагч хүнийг хэлдэг байна. Кофе найруулна гэдэг нь жинхэнэ урлаг юм. Амтат кофег бэлдээд үйлчлүүлэгчээ түүгээрээ дайлдаг хүнийг бариста гэнэ. Өөрөөр хэлбэл, бариста гэдэг нь согтууруулах ундаа биш кофе юм уу кофейний төрлийн амтат ундааг найруулдаг хүн билээ. 

Энэ мэргэжил Итали улсад бий болсон аж. Тэнд л жинхэнэ эспрессо кофе найруулдаг. Улмаар 1980-аад оны эхээр Старбакс компанийн эзэн Ховард Шульцийн ачаар АНУ-д дэлгэрсэн байна. 

Монголын Бариста нарын холбоо 2008 онд байгуулагдсан бөгөөд өдгөө чамгүй олон гишүүнтэй болжээ. Бариста нарын тэмцээн есдүгээр сарын 17-19-ний өдрүүдэд болно. Тэмцээнд түрүүлсэн бариста хоёр сая төгрөгийн шагнал хүртэх юм. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
АТГ-ын дарга Х.Энхжаргалыг огцруулах шаардлагатай юу?
  • Шаардлагатай
  • Шаардлагагүй
  • Мэдэхгүй