Шүүхээс З.Баянсэлэнгэд торгох шийтгэл ногдуулжээ
2018 оны 8 сарын 21
УИХ-ын гишүүн асан, Барилга хот байгуулалтын сайдаар ажиллаж байсан З.Баянсэлэнгэ нарт холбогдох шүүх хурал Сонгинохайрхан дүүргийн шүүхэд шүүхэд гурван өдөр үргэлжилж, дөнгөж сая шийдвэрээ гаргалаа.

Шүүх бүрэлдэхүүний шийдвэр З.Баянсэлэнгийг хөдөлмөрийн хөлсний доод хэмжээг 100 дахин үржүүлсэнтэй тэнцэх мөнгөн дүнгээр торгохоор шийдвэрлэсэн байна. Тухайн үеийн хөдөлмөрийн хөлсний доод хэмжээ 192.000 төгрөг байсан. Тэгэхээр УИХ-ын гишүүн асан З.Баянсэлэнгийг 19,2 сая төгрөгөөр торгож байгаа аж. 

Түүнийг Засгийн газраас хэрэгжүүлсэн “Бэрэн групп” ХХК-ийн барьсан “Хангай” хотхоны орон сууцнаас 123 айлын орон сууцыг тендер зарлалгүйгээр худалдан авч улсын төсөвт 972.4 сая төгрөгийн хохирол учруулсан байж болзошгүй хэргээр буруутган шүүсэн юм. 

Ийнхүү улсад  900 сая төгрөгийн хохирол учруулсан хэргээр буруутгагдсан хүн анхан шатны шүүхээс 19,2 сая төгрөгөөр торгуулаад ял ч авалгүй шүүхийн танхимаас гарч ирж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна