Гудамжинд хоол идвэл 500 еврогоор торгуулна
2018 оны 9 сарын 8
Флоренцийн түүхэн хэсгийн гудамжуудад хоол идвэл 150-500 еврогоор торгуулна. Хотын захиргаа нутгийн ард иргэд, жуулчдын хооронд үе үе сөргөлдөөн гарч байгаа тул ийм арга хэмжээ авахаар шийдсэн байна. Аялагчид байшингуудын шатан дээр суугаад хоол идэх нь олширсноор хүмүүс орон гэртээ саадгүй орох боломжгүй болжээ. 

Хэд хоногийн өмнө Испанийн хэдэн жуулчид тэндхийн нэгэн лангуу ажиллуулдаг хүнийг зодсон явдал үүнд ихээр нөлөөлсөн байна. Тэр худалдаа эрхлэгч дэлгүүрийнх нь үүдэнд хоол идэж суугаа жуулчдыг зам чөлөөл хэмээн шаардсан аж. Хариуд нь жуулчид түүнийг бүлэглэн зоджээ. 

Тэгэхээр Флоренцийн гудамжинд хоол идэхийг хүссэн хүмүүс хотын түүхэн хэсгээс гарах хэрэгтэй болов. Энэ хориг үд болон оройн цагаар үйлчлэх бөгөөд ирэх оны нэгдүгээр сарын 06-ныг хүртэл үргэлжлэх юм. Флоренцийг зорих жуулчдын урсгал жил бүр хоёр хувиар нэмэгдэж байгаа аж. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна