Хөгжмийн наадам дээр хар тамхи хэрэглэсэн залуусыг баривчилжээ
2018 оны 9 сарын 10
“Playtime 2018” амьд хөгжмийн наадам 17 дахь жилдээ долдугаар сарын 6, 7, 8-ны өдрүүдэд Монгол шилтгээнд болсон. Энэхүү наадмын үеэр тодорхой төрлийн мансууруулах эм, сэтгэцэд чөлөөт бодисыг хэрэглэх, хадгалах тохиолдлууд гардаг. Энэ жилийн “Playtime 2018” наадмын үеэр ийм төрлийн гэмт хэргийн зөрчил гурав бүртгэгджээ. Тодруулбал, долдугаар сарын наймны өдөр иргэн Б, Ч, Х нар НҮБ-ын 1971 оны мансууруулах сэтгэцэд нөлөөт бодисын тухайн конвенцид багтсан бодисыг хэрэглэсэн, хадгалсан байдалтайгаар цагдаагийн алба хаагчдад саатуулагдсан байна. Хоёр эмэгтэй, нэг эрэгтэй байсан аж.

Энэ төрлийн гэмт хэрэгт холбогдож буй хүмүүсийн дийлэнх нь ид хөдөлмөрлөх, суралцах насны 18-35 насны залуучууд байдаг талаар Цагдаагийн ерөнхий газрын Хар тамхитай тэмцэх газрын мөрдөн шалгах хэлтсийн мөрдөгч, цагдаагийн ахмад Б.Мандухай “Өдрийн сонин”-д өгсөн ярилцлагадаа дурджээ. Сүүлийн үед хар тамхи мансууруулах төрлийн бодис худалдаалах гэмт хэрэгт ихээхэн холбогдох болсон байна. Хар тамхи хэрэглэгчийн хүйсээр нь ангилсан судалгаанаас үзэхэд энэ оны эхний хагас жилийн байдлаар 162 эрэгтэй, 39 эмэгтэй хэрэгт холбогдон шалгагджээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна