Хэд хэдэн зам дээр хурд хэмжигч байршуулжээ
2018 оны 9 сарын 10
Замын хөдөлгөөнд хурдаа тохируулан оролцож чадаагүй болон гүйцэж түрүүлэх үйлдлийг буруу хийсэн жолоочоос үүдсэн зам тээврийн ослын дуудлага дүүргийн хэмжээнд өдөр ирэх тутам нэмэгдэж байна. Тиймээс Баянзүрх дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, дүүрэг дэх Замын цагдаагийн хэлтэс, Улаан загалмайн хороо хамтран замын хөдөлгөөний аюулгүй байдлын эсрэг гэмт хэрэгтэй тэмцэх ажлыг шат дараатай амжилттай зохион байгуулж байна.

Дүүрэг дэх Замын цагдаагийн хэлтсээс өнгөрсөн наймдугаар сараас эхлэн дүүргийн 11 дүгээр хороо Хонхор тосгон руу эргэх замд, Дүнжингарав худалдааны төвийн өмнөх зам, Улиастайн зам болон Уулын замд хурдны зөрчил илрүүлэх зөөврийн төхөөрөмжийг байрлуулан  зам тээврийн ослоос урьдчилан сэргийлэх ажлыг зохион байгуулж буй.

Замын хөдөлгөөнд хурд хэтрүүлэх гүйцэж түрүүлэх зэрэг зөрчил гаргасан болгоныг тань бичиж авах хурд хэмжигч төхөөрөмж байгаа шүү.

Тиймээс замын хөдөлгөөнд оролцож буй жолооч та бүхнийг “Замын хөдөлгөөний дүрмийг баримтлан, тээврийн хэрэгслийн хурдыг тохируулан, хамгаалах бүсийг хэрэглэн” замын хөдөлгөөнд анхаарал, болгоомжтой оролцохыг дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс уриалж байна.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Багш нарын ажил хаялтыг та дэмжиж байна уу?
  • Дэмжиж байна
  • Эсэргүүцэж байна
  • Мэдэхгүй