Дэлгүүр дээрэмдэхдээ бичиг баримт, гар утсаа мартжээ (бичлэгтэй)
2018 оны 9 сарын 11
ОХУ-ын Буриадын Селенгинск хотын худалдааны төвд зэвсэгт халдлага үйлдсэн хоёр этгээд хэргийн газар дээр дээрэмдсэн мөнгөө орхиод зогсохгүй бичиг баримт, гар утсаа мартжээ. Хяналтын камер тэдгээр согтуу дээрэмчдийн үйлдлийг баримтжуулж авсан аж. 

Брянск тосгоны хоёр оршин суугч нийлж архи уугаад энэ хэргийг үйлдэхээр шийджээ. Тайрмал буу шүүрч аваад тэд зэргэлдээх тосгоныг зорьсон аж. Худалдааны төвийн үүдэнд нарны шил авч зүүсэн агаад дотогш орон хана руу буудаж, үйлчлүүлэгчдийг дэлгүүрээс гаргасан байна. Бууныхаа бөгсөөр кассын төхөөрөмжийг хэмхлээд 9000 рубль авчээ. 

Гарч зугтахдаа нэг нь хэргийн газарт хүрмээ орхисон бөгөөд түүн дотор дээрэмдсэн мөнгө, бичиг баримт, гар утас нь байсан гэнэ. Мөн өдрийн орой сэжигтнүүдийг саатуулжээ. 33 настай нэг этгээд нь дээрэм, 42 настай хамтрагч нь хүн амины хэргээр ял шийтгэл хүлээж байсан аж. Одоо сайн эрчүүд дээрмийн хэргээр 10 жилийн хорих ял сонсох бололтой. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна