Нас барсан хүний данс ашиглан луйвар хийдэг этгээдийг эрэн сурвалжилж байна
2018 оны 9 сарын 13
Залилан хийж, бусдын эд хөрөнгийг луйврын аргаар өөрийн болгодог этгээдүүдийн арга улам нарийсаж байгаа аж. Ийм нэгэн овжин залилан мэхлэгчийг Хан-Уул, Баянзүрх дүүргийн цагдаагийн хэлтсүүд эрэн сурвалжилж байгаа гэнэ. Баламжавын Очирсүрэн гэх 42 настай залуу зарын сонин, сайтаар дамжуулж байр түрээслүүлэх зар тавьдаг бөгөөд өөр лүү нь холбогдсон хүмүүст "Их олон хүмүүс залгаж байгаа. Өөрөө амжаад мөнгөө шилжүүлчих юм бол байрандаа оруулъя. Асуудалгүй. Миний дугаар, дансны дугаар өөрт чинь байгаа юм чинь. Бүх юм окэй" гэж итгүүлэн бусдыг залилаад гаршчихжээ.

Түүнд луйвардуулсан хүмүүс Хан-Уул, Баянзүрх дүүргийн цагдаагийн хэлтэст ээлж дараалан гомдол гаргах болсон гэнэ шүү. Б.Очирсүрэн гэгч энэ этгээд нас барсан хүний дансыг ашиглан түүн рүүгээ хохирогчдын мөнгийг хийлгүүлж, картаар нь бэлэн мөнгөний машинаас мөнгөө гаргаж авдаг аж. Сүүлдээ бүр улаан цагаандаа гарч, өөрийн овог нэр бүхий дансыг ч гэмт үйлдэлдээ ашигласан байна. 

Мөн тэрбээр луйвар хийсэн даруйдаа тухайн хэрэглэгчийн утсыг блоклож, утсаа шууд хаадаг аж. Үүрэн телефоны оператор компанид хандахаар "Наад дугаарыг чинь гудамжинд утасны ченж хийдэг хүмүүсээс худалдаж авсан байна" гэж хэлдэг аж. 

Гэмт хэрэгтэнд гишгэх газар үгүй гэдэгчлэн луйварчин этгээд удахгүй баригдах биз ээ. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Багш нарын ажил хаялтыг та дэмжиж байна уу?
  • Дэмжиж байна
  • Эсэргүүцэж байна
  • Мэдэхгүй