Монголын Зэвсэгт хүчний хоёр алба хаагчид Путин шагнал гардуулав
2018 оны 9 сарын 13
ОХУ-ын Ерөнхийлөгч Владимир Путин "Восток-2018" цэргийн сургуулилтын үеэр Орос, Хятад, Монголын Зэвсэгт хүчний 10 алба хаагчид шагнал гардуулсан талаар ТАСС агентлаг мэдээлэв. Шагнал гардуулах ёслол Өвөр байгалийн хязгаар дахь Цугол сургалтын талбайд цэргийн сургуулилтын гол үе шат дуусч, цэргийн тоног төхөөрөмжийн шалгалтыг бүрэн хийж дууссаны дараа болжээ.

ОХУ-ын Ерөнхийлөгчийн гараас тус улсын Зэвсэгт хүчний дөрөв, БНХАУ-ын Ардын чөлөөлөх армийн дөрөв, Монгол Улсын зэвсэгт хүчний хоёр алба хаагч тус тус медаль гардан авсан байна.

Пүрэв гаригт Путин Цугол сургалтын талбайд хүрэлцэн очиж, "Восток-2018" цэргийн сургуулилтын гол үе шатуудыг ажиглажээ. Эдгээр сургалтууд нь Оросын армийн түүхэнд хамгийн томд тооцогдож буй бөгөөд 1981 оноос хойш ийм дасгал сургуулилт хийгдээгүй аж. ЗХУ-ын үед зохиогдсон сургуулилтад 100 мянга орчим цэргийн алба хаагч оролцож байжээ. Харин энэ удаагийн хээрийн сургуульд Орос, Монгол, Хятадын 297 мянган цэрэг оролцсон билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Багш нарын ажил хаялтыг та дэмжиж байна уу?
  • Дэмжиж байна
  • Эсэргүүцэж байна
  • Мэдэхгүй