Бүгд Найрамдах Намынхан төрийн хулгайч нартай тэмцэхээ мэдэгдэв
2018 оны 10 сарын 1
Бүгд найрамдах намынхан өнөөдөр хэвлэлийн бага хурал хийлээ. Хуралд тус намын дарга Б.Жаргалсайхан ирсэнгүй. Харин намын нарийн бичгийн дарга Б.Зоригоо бусад гишүүдтэйгээ ирсэн юм.

Тус намаас ээлжит байр сууриа илэрхийлж, эрх баригчдыг шүүмжлэв. Нарийн бичгийн дарга Б.Зоригоо нь  мэдээлэл өгөхөөс илүүтэй улс орны болж бүтэхгүй байгаа зүйлсийг шүүмжилж байгаад хурлаа дуусгав.

Тодорхой санал ч байхгүй, авлигын баримт гэж нэг цаас үзүүлсэнээ зургийг нь авах гэсэн чинь авахуулсангүй далд хийчихлээ. Тодорхой юм ярьсангүй.

Ерөнхийлөгчийн амлалтыг нэхэж шаардав. Тавантолгойгоос алдагдсан нүүрсний хулгайг цухас дурдав. Ард түмний амьдрал дордож улам сөхөрч байгаа талаар ярилаа.

Олон хулгайчид байгаа, мэдэгдэж байгаа нь ганц болохоос, төрийн томчуудын оффшорт нуусан бүх хөрөнгийг нь Ерөнхийлөгч оруулж ирж чадахгүй байна. Эдийн засгийг сайжруулж, өр зээлийг тэглэнэ гэсэн. Гэтэл өнөөдрийг хүртэл улс орны иргэдийн амьдрал ямар байгаа эрх баригчид харж байгаа байх.

Тиймээс бид улс төрийн хүчний хувьд улстөрчдийн хулгай луйврыг таслан зогсооно. Хулгайн мөнгөөр төсвийн алдагдлыг нөхөж, эдийн засгаа сэргээнэ гэж ярив. Тодорхой тоймтой бодитой зүйл ярихгүй болохоор сэтгүүлчдэд асуух зүйл байсангүй.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна