Тина Тёрнерын нөхөр эхнэртээ бөөрөө өгчээ
2018 оны 10 сарын 8
78 насыг зооглоод буй алдарт дуучин Тина Тёрнер нэгэн сэтгэл хөдөлгөм мэдэгдлийг хийсэн байна. Өнгөрсөн жил тэрээр бөөр шилжүүлэн суулгах мэс ажилбарыг хийлгүүлсэн гэдгээ олон нийтээс нууцалсан аж. Түүнд бөөрөө хайрласан хүн бол 62 настай эр нөхөр нь болох Эрвин Бах гэнэ шүү. 

Эмч нар хоёр жилийн өмнө Тёрнерт ходоод гэдэсний хавдартай гэсэн оношийг тавьсан билээ. Дуучин эмэгтэй хийн болон туяаны эмчилгээнээс татгалзсан гэдэг. Арай хөнгөн эмчилгээ хийлгэсэн ч тус болоогүй гэнэ. Тиймээс Тина бөөрний дутагдалд оржээ. Бөөр шилжүүлэн суулгуулаад ч асуудлууд дундарсангүй. Бие махбод нь шинэ эрхтнээ хүлээж авахгүй зовоосон гэнэ. Харин эр нөхөр нь урьдын адил түүнийг сайн халамжилж, тал бүрээр дэмжиж байгаа гэнэ шүү. 

Энэ нууцыг Тёрнер өөрийн бичсэн "Миний хайр дурлалын түүх" нэртэй шинэ номонд өгүүлжээ. Дэлхийн хэмжээний од эмэгтэй нөхөр Эрвин Бахтайгаа 1985 онд танилцсан билээ. 28 жилийн дараа буюу 2013 онд гэрлэцгээсэн байна. Тэр үед Тина 73 настай байсан юм. Эрвин түүнтэй хөрөнгө мөнгө, нэр алдарт нь болоод гэрлэсэн гэсэн яриа их гарсан. Тэгвэл энэ "шунахай" эр өнгөрсөн оны дөрөвдүгээр сард ханьдаа бөөрөө бэлэглэж энэ бүх ярианд цэг тавьжээ.  

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна