Брэдли Күүпер тансаг байртай болжээ
2018 оны 10 сарын 8
Холливудын жүжигчин Брэдли Күүпер дуучин Лэди Гагагийн хамтаар гол дүрийг бүтээсэн “Од мэндлэв” киноныхоо нээлтийг нижгэр хийсний дараагаар Нью-Йорк хотод байшин худалдаж авахаар шийджээ. Хотын яг төв хэсэгт орших Манхэттен дүүрэгт тансаг зэрэглэлийн таунхаус 13,5 сая доллараар авсан сурагтай. 

4000 мкв талбайтай байшин нээлттэй худалдаанд байгаагүй бөгөөд үл хөдлөх хөрөнгийн зарим нэг агентууд уг байшинг сарын 50 мянган доллараар түрээслүүлэх саналыг тавьсан байжээ. Байшинд унтлагын зургаа, угаалгын таван өрөө бий. Зочны өрөөний шалыг нарс модоор хучсан бөгөөд тэнд алсын удирдлагатай том ил зуухтай. 

Нэгдүгээр давхарт жижгэвтэр номын сан, гудамж руу харсан цонх бүхий танхим байдаг аж. Хоёрдугаар давхарт гурван унтлагын өрөө, гуравдугаар давхарт өндөр таазтай гурван унтлагын өрөө, хувцасны хоёр өрөө байдаг гэнэ шүү. Энэ шинэ байрандаа Брэдли Күүпер загвар өмсөгч эхнэр Ирина Шэйк болон Лея охинтойгоо орох бололтой. Загвар өмсөгч бүсгүй Нью-Йорк дахь хоёр орон сууцаа аль хэдийн түрээслүүлжээ. 



Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна