Хүүхний эрлэг Маурицио Занфанти 63 насандаа өөд болов
2018 оны 10 сарын 8
Италид төдийгүй дэлхий даяар нэр нь түгсэн нэрт плэйбой эр Маурицио Занфанти 63 насандаа таалал төгсжээ. Мань хүн 6000 гаруй эмэгтэйг урхиндаа оруулж, “янзалсан” хэмээн гайхуулж байсан нэгэн. Нэг хүүхэнтэй ганц л унтаад оддог заншилтай тул “Шумуул” гэдэг хочтой болсон Занфанти төрөлх Римини хотынхоо захад машин дотроо 23 настай аялагч бүсгүйтэй хурьцал үйлдэж байгаад нас барсан гэнэ. Бэлгийн дур хүслээ хангах үеэр нь түүний зүрх хаагджээ. 

Маурицио 1970-аад оны эхээр домог болсон нэгэн. 17 насандаа тэрбээр тухайн үед нэлээн алдаршиж байсан Blow Up диско бааранд ажиллаж эхэлсэн гэнэ. Түүний үүрэг бол залуу жуулчин бүсгүйчүүдийг диско баар луу урхидан оруулах явдал байжээ. Уушийн газар ханатлаа согтож, цэнгэсэн хүүхнүүд төдөлгүй үсэрхэг цээжтэй, царайлаг залуугийн өвөрт ордог байсан юм. Маурициогийн өвөрт франц, англи хүүхнүүд ихэвчлэн ордог байсан ч түүнд хамгийн ихээр Германы фройляйн (хүүхэн) таалагддаг байсан аж. 

Цагийн сайханд түүний өвөрт ганцхан жилийн дотор 500 хүртэл хүүхнүүд ордог байжээ. Өөрийн хамгийн сүүлчийн ярилцлагыг тэрбээр 2014 онд Германы Bild сэтгүүлд өгсөн байдаг. Тэрхүү ярилцлагадаа “Римини хотын Ромео” тэтгэвэртээ гарах талаар бодож байгаа гэдгээ ярьжээ. Гэвч харамсалтай нь мань хүн хэлсэн амандаа хүрээгүй бололтой. Дуудлагаар ирсэн эмч нар плэйбой эр зүрхний шигдээсээр таалал төгссөн болохыг тогтоожээ. Ийнхүү Маурицио Занфанти ийм л аргаар нөгөө ертөнцөд очихыг хүссэн бололтой. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна