Жон Терри зодгоо тайлжээ
2018 оны 10 сарын 10
Английн хөлбөмбөгийн “Чэлси” багийн амьд домог, хамгаалагч Жон Терри мэргэжлийн түвшинд 23 жил тоглоод спортын замналаа өндөрлүүлсэн байна. Жон цахим сүлжээнд хөгжөөн дэмжигчидтэйгээ салах ёс хийж байгаагаа мэдэгдсэн аж. Терри өөрийн гэр бүлд төдийгүй хүүгийнхээ хүсэл мөрөөдлийг бодит болгохын тулд их зүйлээр дэнчин тавьсан ээж, аавдаа талархжээ. Мөн байнга үнэтэй зөвлөгөө өгдөг байсан ах Полдоо баярласнаа илэрхийлсэн аж. 

“Чэлси”-гийн хамтаар Жон Терри Премьер лигийн таван удаагийн аварга болж, Английн цомыг таван удаа өргөж, лигийн цомыг гурван удаа хүртэж, Аваргуудын лигт тэргүүлжээ. Мөн Европа лигт түрүүлж, Английн Супер цомыг хоёронтаа хүртсэн байна. 
Өдгөө 37 настай Терри залуучуудын багийг нь дасгалжуулахаар “Чэлси” багтайгаа жилийн 800 мянган фунт стерлингийн цалинтай гэрээ байгуулжээ. Терри “Чэлси” багийн бүрэлдэхүүнд багтан 67 гоол оруулсан байдаг. Багийнх нь албан ёсны твиттер хуудас Жоны оруулсан шилдэг 10 гоолыг эргэн дурсжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна