МИАТ Бангкок хот руу шууд нислэг үйлдэнэ
2018 оны 10 сарын 10
Үндэсний Агаарын Тээвэрлэгч МИАТ ТӨХКомпани Зүүн Өмнөд Азийн аялал, жуулчлалын гол бүс болох Тайландын вант улсын Бангкок хот руу шууд нислэгээ энэ сарын 28-ны өдрөөс нээнэ. Анхны нислэгээ сурагчдын амралтанд зориулан 10-р сарын 28-ны Ням гарагт эхлүүлэх бөгөөд цаашид Лхагва, Бямба гарагуудад нислэг үйлдэх юм байна.

Улаанбаатар - Бангкокийн шууд нислэг таван цаг гаран үргэлжлэх бөгөөд энэхүү нислэгийг Boeing 737-800 агаарын хөлгөөр үйлдэхээр төлөвлөөд байна. Хоёр улсын хооронд 30 хоногийн хугацаанд визгүй зорчих боломжтой байдаг нь Тайландад аялж, зугаалах, эмчилгээ хийлгэхэд таатай нөхцлийг бүрдүүлдэг.  
Та бүхэн дэлгэрэнгүй мэдээлэл авах, тийз захиалахыг хүсвэл МИАТ компаний лавлах 11 333 999 дугаарт хандах мөн www.miat.com сайтад хандаж онлайн захиалга хийх боломжтой юм. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна