Энхтайваны гүүрэн дээр 3 машин мөргөлджээ
2018 оны 10 сарын 10
Тээврийн цагдаагийн албанд энэ сарын 5-8-ны өдөр нийслэл хотын хэмжээнд 1416 дуудлага мэдээлэл бүртгэгджээ. Үүнээс зам тээврийн ослын 1017 дуудлага бүртгэгдэж,  5 хүний амь нас хохирсон ноцтой хэрэг гарчээ. Осол, хэргийн улмаас 52 хүн хөнгөн, хүндэвтэр гэмтэж бэртсэнээс  бага насны  12 хүүхэд осолд өртсөн мэдээ өглөө.  
Үе үе цас орж буйн улмаас зам тээврийн гэнэтийн ослын дуудлага  цөөнгүй ирж байна. Мөн Энхтайваны гүүрэн дээр гурван машин мөргөлдсөн ноцтой осол гарсан. Цас орж шөнөдөө замын хальтиргаа гулгаа үүссэнээс болж хурдаа тохируулж яваагүй жолооч нар ийнхүү мөргөлджээ. Иймд цас орж гулгаа үүссэн үед зуны дугуйгаа өвлийн дугуйгаар сольж замын хөдөлгөөнд оролцохыг Тээврийн цагдаагийн албанаас анхааруулав.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна