Сүйт бүсгүйгээ гахайгаар сольжээ
2018 оны 10 сарын 10
Их Британид Жоанна Дуркин гэдэг эмэгтэйн нөхөр сүйт бүсгүйтэйгээ хуримлаад гурван цагийн дараа 200 кг жинтэй гэрийн тэжээвэр гахай руугаа яарч одсон гэнэ. Ийнхүү шинэхэн нөхөр Ли Дуркин нь гэртээ сууж, хайртай гахайгаа харахыг илүүд үзсэн тул Жоанна бүсгүй бал сарын аялалдаа явж чадсангүй. 

Дуркины гахай 25 хавтгай дөрвөлжин метр талбай бүхий өөрийн гэсэн газартай аж. Тэнд Ли бүх л өдрийг өнгөрүүлдэг байна. Жоаннатай гэрлэхдээ Ли гахайгаа юун түрүүнд бодно гэдгээ шууд л ойлгуулсан гэнэ. Орой болгон гахай нь тэдний зочны өрөөнд айлчилдаг бөгөөд эзэнтэйгээ хамт кино үздэг гэнэ шүү. Тэр үеэр Ли гахайныхаа биеийг шүдний сойзоор үрж, иллэг хийдэг юм. 

Гахай нь өдөржингөө ганцаараа байж болохгүй гэж үзсэн Ли хуримын ёслолоо хийж дуусгангуутаа гэр лүүгээ яаран оджээ. Энэ шалтгаанаар Жоанна бүсгүй хуримын анхны шөнөө орондоо ганцаараа өнгөрүүлсэн байна. Эр нөхөр нь хэзээ нэгэн цагт өөрийг нь гахай шигээ хайрлаж эхэлнэ хэмээн найдаж суудгаа бүсгүй ярьжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна