Тасартлаа уугаад буудал худалдан авчээ
2018 оны 10 сарын 11
Шинэхэн хос давчуу орон сууцанд амьдарч, нижгэр хурим хийсэн тул чамгүй өрөнд орсны дээр эхнэр нь бие давхар болсон аж. 33 настай продюссер бүсгүй Жина Лайонс, худалдаа хариуцсан 35 настай захирал Марк Ли нар өнгөрсөн оны зургаадугаар сард хуримаа хийсэн бөгөөд 12 дугаар сард нь бал сараа тэмдэглэхээр аялалд гарчээ. Залуу хос Шри-Ланка арлын нэгэн амралтын газар гурван долоо хоног болохоор төлөвлөж байсан ч тэнд очсон эхний өдрөө л тасартлаа ууснаар өөрсдийн амьдарч байсан зочид буудлыг худалдаж авахаар болсон байна. 

Жина, Марк хоёр хэдэн лонх ром дарс худалдаж аваад тэндхийн бармэнтэй хамт ууж эхэлжээ. Бармэн залуу зочид буудлын түрээсийн төлбөр удахгүй нэмэгдэнэ хэмээн зовлонгоо тоочиж эхлэв. Гурван жил цувуулж төлөх нөхцөлтэй 40 мянган долларын үнэ залуу хосод сонирхолтой санагдсан тул мань хоёр тэр шөнөө л далайн эрэг дээр орших хэд хэдэн модон байшингийн шинэ түрээслэгчид болжээ. 

Буудлыг түрээсэлж авахаар шийдэхдээ Жина, Марк хоёр нэлээн согтуу байсан хэдий ч яриа хэлэлцээр дуусах хүртэл согтууруулах ундаа хэрэглэсэн хэвээр байжээ. Өмнөх эзэд нь англи хэлээр ярьдаггүй байсан тул тэд хоёр найзаа орчуулагчийн хувиар урьж ирүүлсэн байна. Уйдсандаа хатуу дарсыг ууж байсан тул найзууд нь бичиг цаасыг нь эмхэлж өгчээ. Хосууд энэ буудлыг эзэмшээд жил гаруй болжээ. Гэр бүлийн шинэ бизнес нь өр, төлбөрөө дарахад тус болсон бөгөөд өдгөө ашгаа өгч эхэлсэн гэнэ шүү. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна