Улсын дугаарыг салгаж зарах, солих боломжгүй болно
2018 оны 10 сарын 11
Автомашины улсын дугаарыг нийтэд нь шинэчилж энэ сарын нэгнээс эхлэн мөрдөх болсон талаар өмнө бид мэдээлж байсан билээ. Гэтэл шинэ стандартыг хэрэгжүүлэхийн тулд Авто тээврийн хэрэгслийн бүртгэл хөтлөх, улсын дугаар олгох журмыг шинэчлэх шаардлага тулгарсан байна. Дээрх журамд дугаарын лац гээгдвэл хэрхэхээс эхлээд олон чухал асуудлыг тусгаагүй аж. Журмыг шинэчлэн, батлуулбал тээврийн хэрэгслийг олон улсын стандартад нийцүүлэн дугаарлаж эхлэх юм байна. Үүнтэй холбоотойгоор автомашины улсын дугаар шинээр авч буй иргэдийг хэрхэн бүртгэх, улсын дугаараа солих хүсэлтэй иргэдэд яаж үйлчлэх зэргийг салбар яам нь судалж байгаа аж. 

Шинэ стандартаар улсын дугаарын дөрвөн тоог өөрчлөхгүй. Харин ард нь байрлах үсгийг цөөрүүлжээ. Өмнө нь улсын дугаарт 25 үсэг ашиглахаар стандарт баталсан. Ю, Ё, Ы гэх мэт үсгийг оруулдаггүй. УБ гэсний араас А Б, В, Г гээд 25 үсэг байрладаг байсан. Шинэ журмаар УБ-гийн араас 25, УН-гийн араас 25 үсэг шивэхээр нийт 50 серийн дугаартай болох аж. Нэг серийн дугаар 9999 давтагдана гэсэн үг. Харин шинэ стандартаар улсын дугаарт дөрвөн тоо, 13 үсэг оруулахаар төлөвлөж байгаа гэв. Мөн хот, хөдөөгийн автомашиныг ялгаж дугаарлахгүй. Баталсан 13 үсгээс ДК гэх мэт зөвшөөрөлтэй машинд олгох нь хасагдахаар 11-ийг хооронд нь солих хэлбэрээр автомашинуудыг дугаарлахаар төлөвлөн. Улсын дугаарыг лацдах тул автомашинаасаа салгаж зарах, солих боломжгүй болох юм.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна