Ээж, аавынхаа яншилтаас залхаад өөртэйгөө гэрлэжээ
2018 оны 10 сарын 11
Уганда улсын иргэн 32 настай Лулу Жемима гэрийнхэн нь яншаад байсан тул өөртэйгөө гэрлэсэн аж. Энэ бүсгүй дээд боловсрол эзэмшихээр Австралийг зорьсон аж. Сидней хотын Маккуори их сургуулийг дүүргэж, бакалаврын зэрэг хүртээд Их Британийн Оксфордын их сургуулийн магистрантурт очсон байна. Гэвч мундаг сурлагатай яваа бүсгүйн гэр бүл энэ бүхэнд сэтгэл ханасангүй. Тэд ганц бие яваа бүсгүйг хурдхан шиг гэр бүлтэй болох ёстой хэмээн шалах болжээ. 

Лулу энэ талаар “Намайг хэзээ нөхөрт гарах гэж байна вэ гэж гэрийнхэн маань залхтал асуудаг болсон. Манай Угандад энэ нь маш чухал зүйл байдаг. Гэрийнхэн маань хэзээ хүүхэдтэй болох вэ?, эр нөхөр хайж байна уу? гэж шалгаах болсон. Намайг 16 нас хүрэхэд аав маань хуриман дээр минь хэлэх үгээ хүртэл биччихсэн байсан” хэмээн ярьжээ. 

Бүсгүй арга ядсандаа нэг найзынхаа ажиллуулдаг уушийн газар найз нөхдийнхөө хамтаар хуримын ёслол үйлджээ. Жемима хуримын даашинзтай ирсэн бөгөөд хажууд нь яагаад сүйт хархүү байхгүй байгааг тайлбарласны эцэст хуримын андгай тангаргаа өргөсөн гэнэ. Лулу “Маргааш нь би ээжтэйгээ ярьтал тэр маань жаахан гайхаж, уурласан хэдий ч хуримын даашинз өмссөн минь ядаж ахицтай хэрэг гэдгийг хэлсэн” хэмээн хөхөрчээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна