Овечкин Бобби Халлыг ардаа орхив (бичлэгтэй)
2018 оны 10 сарын 11
Хойд Америкийн Үндэсний хоккейн лигийн “Вашингтон Кэпиталс” багийн ахлагч Александр Овечкин “Вегас” багтай хийсэн тоглолтод дубль хийснээр тоглолтын хоёр дахь одоор нэрлэгджээ. Түүний баг өрсөлдөгчөө 5:2-оор буулгаж авсан аж. Оросын довтлогч NHL дэх 610 болон 611 дэх шайбаа оруулснаар лигийн мэргэн буучдын жагсаалтад домогт Бобби Халлыг ардаа хийн 17 дугаар байрт бичигджээ. 

Түүний өмнө 625 гоолтой Жо Сакик, Жером Игинла нар бичигдэж байгаа билээ. Харин дээд амжилтын эзэн бол 894 шайбтай домогт Уэйн Грецки юм. Энэ улирлын эхний гурван тоглолтод Овечкин дөрвөн шайб оруулж, нэг амжилттай дамжуулалт өгснөөр таван оноотой болоод байгаа аж.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна