Мэл Гибсон гүзээнээсээ ангижрав
2018 оны 10 сарын 11
Холливудын нэрт жүжигчин, найруулагч Мэл Гибсон сүүлийн үед нэлээн таргалж, том гүзээтэй болсон билээ. Тэгвэл түүнд Саманта Жексон гэдэг фитнесийн багш тус болжээ. Гибсон том гүзээтэй болсон учир аахилж, уухилахаас гадна гутлаа ч үдэж чадахгүй болсон гэдэг. Нэг өдөр тохиолдлоор Жексон багштай учиртал наймхан долоо хоногийн дотор гүзээг нь арилгаж өгнө хэмээн ам гарчээ. 

Хоёрхон сарын дараа гэхэд Мэл тусгай хоолны дэглэм, биеийн тамирын дасгал зэргийн ачаар 14 кг жингээ хаяж чадсан байна. “Хатан зоригтон” киног бүтээж, гол дүрд нь тоглосон Мэл Гибсон өдгөө шинэ хүн болсон хэмээн өгүүлэв. Хоолыг бага багаар идэх болсноор жингээ хэвийн хэмжээнд байлгах болжээ. 

Хуучин өмсдөг байсан хувцсандаа багтаж буйн дээр гүзээнээсээ салсны ачаар бат бөх унтдаг болсон гэнэ. Мэл Гибсон алдартай жүжигчин, кино найруулагч төдийгүй гэр бүлсэг нэгэн гэдгээрээ алдартай. Тэрбээр есөн хүүхэдтэй юм. Гурван удаа гэрлэсэн бөгөөд өдгөө хүү төрүүлж өгсөн Розалинда Росс гэдэг бүсгүйтэй амьдарч байгаа аж. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна