04.19, Saturday
2
Wikimon: “Драгон” төвийн автовокзал хулгайчдын үүр болжээ
2012 оны 2 сарын 11
Өнөөдөр өглөө зорчигч тээврийн “Драгон” төв дээр эртлэн очлоо. 08 цагаас Монгол улсын баруун этгээдийг зорих гэсэн зорчигчид яарч сандран тэнд очиж ихээхэн бөглөрөл, шахцалдаан үүсгэдэг болоод удаж байгаа гэнэ. Том оврын автобусууд яг цагтаа хөдлөх журамтай тул зорчигчид эртлэн очиж ачаа тээшээ тээшний хэсэгт хийлгэн суудлаа эзлэх шаардлагатай юм. Зорчигчид автобус хөдлөх цаг дөхөх үеэр яаран сандран ирж сандралдан чихцэлдээн үүсгэдгээс болж тэнд халаасны хулгай жинхэнэ нүүрлэжээ.

07 цаг 45 минутад Архангай аймгийн Эрдэнэбулган сум руу явах гэж байсан “Хараацайн жигүүр” ХХК-ийн 22-53 дугаартай 45 зорчигчийн суудалтай автобусанд орж суудлаа эзлэх гэж мунгинасан зорчигчдоос гурав нь гар цүнхнээсээ хэтэвчээ суйлуулж бөөн орилоон чарлаан дэгдсэн юм. Үүнтэй зэрэгцэн үдэн гаргагсдын дотор хоёр хүн гар утсаа хулгайд алдсанаа мэдэж хэрэг дэгдэв.

Хулгайч нар 2-3-хан минутын дотор ийнхүү бузар гараа таван хүний халаас, цүнхэнд дүрж амжлаа. Автобусны жолооч болон тасалбар шалгагч нар “Байнга л хулгай гардаг шүү дээ. Та нар анхааралтай байх хэрэгтэй. Бид нар ямар ч хариуцлага хүлээхгүй” гэсэн юм. Эд зүйлээ хулгайд алдсан хөөрхий зорчигчид зорчигч тээврийн төв рүү орж гомдлоо илэрхийлэхэд тэнд тэдний үгийг хэн ч авч хэлэлцсэнгүй. Харин ч “Та нар 102 руу утасд. Тэд ойрхон байгаа хөдөлгөөнт эргүүлээ ирүүлэх учиртай” гэж ямар ч хэнэггүй өгүүлж сууна. Тус төв дээр цагдаагийн хэсэг байдаггүй аж. Энд өдөртөө хэдэн арван автобус шугаманд явж, олон мянган хүн холхидог гээд бодохоор хулгай хэр их гардаг нь тодорхой.
 
Ганцхан автобуснаас таван хүн хохирч байгаа юм чинь нийтдээ хичнээн хүн хулгайд эд зүйлээ алдах вэ гэдэг нь ойлгомжтой. Хохирогсод тэр даруй 102 дугаарт холбогдоход “Түр хүлээж бай. Холбоод өгье” гэсэн хариултыг өгсөн боловч холбогдох ёстой утас нь дуудаад авахгүй бай.. “Драгон” төв дээр халаасны хулгайгаас гадна зорчигчдын ачаа тээшийг авч одох асуудал дэндүү газар авсныг зорчигчид өгүүлж байсан юм. Хэн нэгний овор ихтэй ачааг өөрийн мэт аваад эргэдэг хүмүүс энд бүлэглэн хулгай хийж байдгийг байнга зорчдог зарим нь өгүүлж байлаа. Сонгинохайрхан дүүргийн Цагдаагийн хэлтэс энэ түм түжигнэж, бум бужигнасан газар эргүүл, хамгаалалтаа сайжруулахгүй бол удахгүй хулгайч нар автовокзалыг нь нүүлгээд аваад явчихад мэдэхгүй хоцрох бололтой.
Х.Балт (www.wikimon.mn)

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Засгийн газрыг огцруулах нь зөв үү?
  • Бүрэн бүрэлдэхүүнээр нь огцруулах нь зөв
  • Огцруулах шаардлагагүй
  • Уул уурхайн сайд Д.Ганхуягийг огцруулах нь зөв
  • Эрүүл мэндийн сайд Н.Удвалыг огцруулах нь зөв
  • Эдийн засгийн хөгжлийн сайд Н.Батбаярыг огцруулах нь зөв
  • Сангийн сайд Ч.Улааныг огцруулах нь зөв