Халагдаад даргыгаа алахыг завджээ
2018 оны 10 сарын 11
Америкийн Флорида мужийн Сэнфорд хотод ажлаас халагдаад хоёр цаг болсны дараа даргыгаа хороохыг оролдсон нэгэн эрэгтэй баривчлагдав. 23 настай Жуан Льюисийг гэр ахуйн цахилгаан хэрэгсэл үйлдвэрлэдэг компани ажилд авсан боловч ердөө гурав хоногийн дараа түүнийг ажил дээрээ эвгүй аашилсан тул халах шийдвэр гаргасан байна. удирдлагынх нь хэлснээр бол Жуан үнэтэй багаж хэрэгсэл, түүхий эдийг шалан дээр хаяжээ. 

Халагдсан даруйдаа Льюис гэртээ очоод гар буу шүүрч авсан бөгөөд ажил дээрээ эргэж очоод даргыгаа гарч ирэхийг хүлээн машиндаа сууж байсан гэнэ. Хоёр цаг хүлээсний эцэст дарга нь найз бүсгүйтэйгээ гарч ирэн машиндаа суумагц Льюис тэдний араас мөшгин хөөж, машин руу нь гал нээжээ. Тэрбээр машины тээшний хэсэг, дугуйг оносон байна. Хоёр километр орчим дагаж давхисны эцэст мөрдлөгөө зогсоон явж одсон гэнэ. Азаар машинд зорчиж байсан хүмүүс бэртсэнгүй. 

Хожим нь цагдаа нар Льюисийг гэрээс нь барьжээ. Тэрбээр галт зэвсэг ашиглан халдлага үйлдсэнийхээ төлөө эрүүгийн хариуцлага хүлээх болно. Льюис 2014 онд хар тамхи хэрэглэсэн, хулгай хийснийхээ төлөө саатуулагдаж байжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна