Кока Кола үхэлд уриалав
2018 оны 10 сарын 16
Кока Кола компани Шинэ Зеланд дахь нэгэн худалдааны автомат машин дээрээ тун ч эвгүй уриа үгийг байршуулсан аж. Хамаг учир орчуулгын алдаанд оршиж байсан гэнэ. Англи хэлнээс нутгийн уугуул иргэдийн ярьдаг маори хэл рүү сурталчилгааны үг буруу буужээ. 

Эх зохиолч Уилльям Шекспирийн хэл дээр mate гэдэг үг “найз” гэсэн утгатай байдаг бол Шинэ Зеландын уугуул иргэдийн хэл дээр энэ үг “үхэл” гэсэн утгыг илэрхийлдэг аж. Тийм учраас маори хэл дээрх Kia ora, mate гэсэн үг нь шууд орчуулвал “Сайн уу, үхэл минь” гэж буужээ. 

Харин энэ сурталчилгааг бодож олсон хүмүүс “Сайн уу, найз аа” гэсэн утгыг илэрхийлэхийг хүсэж байв. Хэрэглэгчид үүнийг хошигнож хүлээж авсан байна. Тэд “Харин ч Кока Кола компани үнэн бодит байдлыг хэллээ шүү” хэмээн даажигнажээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Үндсэн хуульд нэмэлт өөрчлөлт оруулахыг та зөв гэж бодож байна уу?
  • Тийм
  • Үгүй
  • Мэдэхгүй