Япон, Хойд Солонгосын тагнуулынхан Монголд нууцаар уулзжээ
2018 оны 10 сарын 19
Япон болон БНАСАУ-ын тагнуулын албаны төлөөлөгчид энэ сард Монгол Улсад нууц уулзалт хийжээ. Ерөнхий сайд Шинзо Абэд ойр Японы тагнуулын албаны өндөр тушаалын хүн энэ сарын эхээр манай улсад Умард Солонгосын тагнуулчидтай нууц уулзалт хийсэн аж. Улаанбаатар хотод ийм уулзалт зохиох болсон нь учиртай. Ерөнхий сайд Шинзо Абэ 1970-1980-аад онуудад хулгайлагдсан Японы иргэдийн асуудлыг шийдвэрлэхэд нааштай ахиц гарч байгаа тул Хойд Солонгосын Ким Чен Унтай дээд хэмжээний уулзалт зохион байгуулах хүсэлтэй байгаа юм. 

Ким Чен Ун энэ жил Хятад, Өмнөд Солонгос, Америкийн төрийн тэргүүнүүдтэй уулзаад байгаа бөгөөд энэ ондоо багтааж ОХУ-ын Ерөнхийлөгч Владимир Путинтэй уулзалт хийхээр төлөвлөсөн билээ. Тэгвэл Япон Улс ч эерэг хандлага үзүүлж байгаа Хойд Солонгосын Удирдагчтай уулзаж ярилцах хүсэлтэй байгаа аж. Японы тагнуулын албыг толгойлж буй Шигеру Китамура Монгол Улсад энэ сарын 06-08-ны өдрүүдэд ажлын айлчлал хийхдээ Хойд Солонгосын тагнуулын албаныхантай уулзсаны дотор БНАСАУ-ын Хөдөлмөрийн намын Нэгдсэн фронтын дээд удирдлага ч байсан гэнэ. 

Энэ байгууллага Өмнөд Солонгосын талаар тагнуулын үйл ажиллагаа явуулдаг газар юм. Уулзалтын үеэр хулгайлагдсан япон хүмүүсийн асуудлыг хэрхэх талаар ярилцжээ. Ийнхүү сүүлийн гурван сарын хугацаанд хоёр улсын тагнуулын албад анх удаагаа уулзаж байгаа нь энэ юм. Японы 17 иргэнийг Хойд Солонгосын тагнуулын албад хулгайлсан гэж яригддаг. Эднээс тавыг нь 2002 онд эх оронд нь буцаасан билээ. Бусдынх нь хувь заяа тодорхойгүй байгаа аж. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна