Ганцаараа аялагчид Перу, Япон, Шри-Ланкаг илүүд үздэг
2018 оны 10 сарын 29
Аялал жуулчлалын үйлчилгээ үзүүлдэг дэлхийн нэгэн томоохон компани ганцаараа аялах дуртай 30-40 насны аялагчдын хамгийн ихээр очдог орнуудыг тодруулсан байна. Ингэхдээ хэдэн мянган захиалгад дүн шинжилгээ хийсэн аж. Тэгтэл ганцаараа аялдаг хүмүүс Шри-Ланкаг хамгийн ихээр сонирхдог болох нь тодорхой болжээ. Энэтхэгийн эрэг орчимд оршдог энэ арлын улс өвөрмөц байгаль төдийгүй эртний сүм хийд, өндөр уулсаараа алдартай билээ. 

Ганцаараа аялагчид Өмнөд Америкийн Перу улсад очих дуртай гэнэ. Энд мөн л гоёмсог байгальтай өндөр уулс байдаг. Түүнчлэн 30-40 насныхан Бали, Япон, Иордан, Танзани, Колумби, Өмнөд Африкийн Бүгд Найрамдах Улс руу аялах дуртай аж. 

Европ тивийн хувьд Скандинавын Финланд, Зүүн Европын Хорват улсууд тэдний таалалд нийцдэг байна. Жил ирэх тусам ганцаараа аялагчдын тоо улам нэмэгдэж буйг аялал жуулчлалын компанийнхан онцолжээ. Дэлхийн хамгийн их жуулчин хүлээж авдаг улсаар мэдээж хэрэг Франц тодорчээ. Эхний тавд багтсан улсуудын дотор дандаа Европын орнууд байгаа аж. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна