Энэтхэгт дэлхийн хамгийн өндөр хөшөө сүндэрлэв
2018 оны 10 сарын 31
Энэтхэгт дэлхийн хамгийн өндөр хөшөө нээлтээ хийжээ. Түүний өндөр 182 метр аж. “Эрх чөлөөний хөшөө” гэдэг нэртэй энэ байгууламжийг тус улсын үндэсний баатар Валлабхай Пателийн дурсгалд зориулж бүтээсэн гэнэ. Энэ хүн Махатма Гандийн толгойлсон үндэсний чөлөөлөх хөдөлгөөний удирдагчдын нэг байжээ. 

Хөшөөг бүтээхэд 250 инженер, 3400 хүн ажиллажээ. Төслийн нийт өртөг 430 сая доллар болсон аж. Хөшөөний оройд нэгэн зэрэг 200 орчим хүнийг багтаах боломжтой талбайг тохижуулж өгсөн байна. Харин сууринд нь энэ хүний тухай музей ажиллах болно. 

182 метр энэ хөшөө 93 метрийн өндөртэй АНУ-ын Эрх чөлөөний хөшөөнөөс хоёр дахин өндөр юм. Хөшөөг бүтээгчид уг байгууламж 6,5 баллын газар хөдлөлт болон цагт 180 километр хурдлах салхийг ч ажрахгүй даван гарах чадвартай гэдгийг онцлов. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна