Ц.Оюунбаатарт холбогдох хэргийг шүүхэд шилжүүлэв
2018 оны 10 сарын 31
Хамтарсан Засгийн үед Шадар сайдаар ажиллаж байсан Ц.Оюунбаатарыг эрх мэдэл, албан тушаалаа урвуулан ашиглаж, улсад онц их хэмжээний хохирол учруулсан хэмээн буруутгаж, нийслэлийн Прокурорын газраас шүүхэд шилжүүлсэн байна.

АТГ-ын Мөрдөн шалгах хэлтсээс хийсэн шалгалтын явцад тэрбээр улсын төсвийн 150 сая төгрөг шамшигдуулсан нь тогтоогдсон аж. Түүнийг Шадар сайдын алба хашиж байхдаа Биеийн тамир, спортын хөгжлийн төвийн дарга асан Д.Жаргалсайхан, тус төвийн ерөнхий нягтлан бодогч Б.Туяа нартай хамтран уг хэргийг үйлдсэн гэж буруутгаж буй юм.

Ц.Оюунбаатарыг "Тэмээн поло-2016” тэмцээн зохион байгуулах зардалд 27 сая төгрөг зарцуулснаас гадна нэмж 150 сая төгрөг олгох шийдвэр гарган, өөрөө ерөнхийлөгчөөр нь ажилладаг “Монголын тэмээн поло, спорт уралдаан аяллын холбоо” төрийн бус байгууллагынхантай үгсэн хуйвалдаж, дансанд нь шилжүүлэн авсныг илрүүлжээ.

Уг хэргийг АТГ-ынхан энэ оны гуравдугаар сард шалгаж дуусаад 2002 оны Эрүүгийн хуулийн 263.2-т заасан эрх мэдэл, албан тушаалаа урвуулан ашигласан гэх үндэслэлээр яллах дүгнэлт үйлдэж, шүүхэд шилжүүлжээ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна