Малкин 950 дахь оноогоо авчээ
2018 оны 11 сарын 3
Хойд Америкийн Үндэсний хоккейн лигийн “Питтсбург Пингуинс” багийн довтлогч Евгений Малкин “Нью-Йорк Айлендерс” багтай хийсэн тоглолтод өрсөлдөгчийнхөө хаалганд шайб оруулжээ. Энэ гоол түүний хувьд улирлын долоо дахь шайб болсон юм. Малкин энэ тоглолтод мөсөн дээр 21 минут, 27 секунд болохдоо өрсөлдөгчийнхөө хаалга руу таван удаа цохисон гэнэ. 

Нэг удаа шайб таслаж, айлын нэг аюултай цохилтыг хамгаалсан байна. Харамсалтай нь, тоглолтын дараа болсон буллитын цувралд өөрийн оролдлогыг бүтэлгүй хийсэн байна. Улирлын 11 тоглолтын дараа Малкин 21 оноотой явж байгаа юм. Тэрбээр мэргэн буучдын жагсаалтад хоёрдугаарт бичигдэх болжээ. 

Малкины оруулсан шайб Үндэсний хоккейн лигийн 795 тоглолтод оролцож авсан 950 дахь оноо нь болсон гэнэ. Малкин энэ үзүүлэлтээрээ лигийн шилдэг мэргэн буучдын жагсаалтад 98-д бичигдэх болжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна