“ПСЖ” 58 жилийн өмнө тогтоогдсон дээд амжилтыг эвдэв
2018 оны 11 сарын 5
Францын хөлбөмбөгийн аварга “Пари Сен-Жермен” баг Европын топ таван баг аварга шалгаруулах тэмцээний шинэ дээд амжилтыг тогтоожээ. Европын топ таван лигт Францаас гадна Англи, Итали, Герман, Испанийн тэмцээнүүд багтдагийг бид мэднэ. Парис хотын баг “Лилль” багийг 2:1-ээр хожсоноор улирлын эхэнд 12 дараалан ялалт байгуулав. Өмнөх дээд амжилтыг Английн “Тоттенхэм” баг тогтоож байсан түүхтэй. 

Тэд Английн аварга шалгаруулах тэмцээнд 11 тоглолт дараалан ялалт байгуулж шинэ улирлыг эхлүүлж байсан билээ. гэхдээ энэ явдал аль 1960 онд болж байв. Парис хотын баг энэ улиралд шинэ дасгалжуулагчтай болсон юм. Тэднийг Германы мэргэжилтэн Томас Тухель дасгалжуулж байгаа билээ. 12 тойргийн дараагаар “ПСЖ” 36 оноотойгоор тасархай тэргүүлж байна. Тэдний хамгийн ойрын өрсөлдөгч болох “Лилль” баг ердөө 25 оноотой “мөлхөж” яваа гэнэ шүү. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна