Жолооч нар шатахууны үнэ өссөнийг эсэргүүцэж 5 өдөр жагсана
2018 оны 11 сарын 5
Шатахууны үнийн өсөлтийг эсэргүүцсэн иргэд Сүхбаатарын талбайн хоёр талын замыг хааж жагсаал зохион байгуулж байна. Тэд зөвшөөрлөө хүлээн авч жагсаал цуглаан хийх журмын тухай хуульд заасны дагуу нийгмийн хэв журамд хохирол учруулж эмх замбараагүй байдал бий болгох, төрийн байгууллагад аливаа дарамт шахалт үзүүлэх, дотоод хэрэгт нь хөндлөнгөөс оролцох, хуулиар хориглоогүй зорилгоор анх зохион байгуулагдсан жагсаал цуглааны явцад түүний зорилго өөрчлөгдөж дээр дурдсан агуулга шинжтэй болбол жагсаал цуглааныг цаашид үргэлжлүүлэхийг хориглоно гэдгийг анхааруулсан байна. Сүхбаатар дүүргийн Засаг даргаас авсан байна. Уг жагсаалд нийт 40-50 гаруй машин оролцож, Төрийн ордныг тойроод жагссан байна. 

Жагсаалд оролцогч иргэн н.Амар-мэнд "Бид санал бодлоороо нэгдсэн жолоочид. Өнөөдрийн жагсаалын эхний өдөр. Энэ жагсаал ктаван хоног үргэлжилнэ. Таван хоног үргэлжлэхдээ өглөөний 08 цагаас 11:00 цаг хүртэл Төрийн ордныг тойрч жагсаах төлөвлөсөн байгаа.

Шатахууны үнийн нэмэгдэл ард иргэдийн амьдралд хүндээр тусч байгаа тул нефть импортлогчид шатахууны нэмэгдлийг буцаан яаралтай бууруулахыг шаардаж жагсаж байна. Манай жагсаалд 300 автомашинтай иргэн жагсаал, цуглаан зохион байгуулах хүсэлтээ илэрхийлсэн. Одоогийн байдлаар 60 гаруй автомашинтай иргэд жагсаалд оролцож байна" гэв. 

Мөн жагсаал оролцогчид "шатахууны үнийг 1500 төгрөгт тогтооно барихыг шаардаж байна, Ард түмний ядруулыг шатахууны үнэ нэмэгдүүлж байна" уриа лоозонг автомашиндаа хаджээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна