Леонардо ди Каприо ирээдүй рүү аялна
2018 оны 11 сарын 5
Холливудын нэрт жүжигчин Леонардо ди Каприо шинжлэх ухааны уран зөгнөлт киноны продюссерээр ажиллахаар болжээ. Тэрбээр зохиолч Герберт Уэллсийн “Цаг хугацааны машин” хэмээх алдарт романыг дэлгэцийн бүтээл болгохоор шийдсэн гэнэ. 1895 онд бичигдсэн уг зохиол цагтаа цаг хугацаанд аялах сэдвийг хөндсөн утга зохиолын анхдагч бүтээлүүдийн нэг болсон. 

Харин шинэ киног найруулагч Андрес Мускетти бүтээхээр болов. Продюссерээр нь Ди Каприо ажиллах бол үндсэн зардлыг Warner Bros, Paramount кино компаниуд даахаар болжээ. “Цаг хугацааны машин” романд нэгэн эрдэмтэн XIX зуунаас 802701 дүгээр он руу аялж байгаа түүх өгүүлэгддэг. Өмнө нь энэ зохиолыг 1960 болон 2002 онуудад кино болгож байсан удаатай. 

Гэвч дээрх кинонууд олигтой амжилт олоогүйгээс гадна зохиолыг нь нэлээн өөрчилсөн байжээ. Их зохиолч Уэллс “Үл үзэгдэгч хүн” хэмээх алдартай романыг бичсэнийг бид мэднэ. Ди Каприогийн хувьд өдгөө нэрт найруулагч Квентин Тарантиногийн “Холливудад нэг удаа” хэмээх кинонд Брэд Питтийн хамтаар тоглож байгаа билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна