Польш залуу Говийг ганцаараа туулав
2018 оны 11 сарын 7
Польшийн адал явдалт аялалд дурлагч Матеуш Валигора гэдэг залуу Монголын Говийг ганцаараа амжилттай туулсан байна. Энэ оны наймдугаар сард тэрбээр Ховдын Булган сумаас аяллаа эхлүүлж, Төв Азийн цээжинд орших Говийн элсэн цөлийг ганцаараа туулах зорилго тавьсан аж. Матеуш түрдэг тэргэн дээр хоол, ус, хувцас хэрэглэлээ чирж явжээ. 

Майхан, өдөн хүрэм, дулаан хувцас зэргийг авч явсан гэнэ. Замд нь худаг тааралдахгүй гэж тооцоолоод ундны усаа авч явахад хүрэв. Өдөр нь +35 хэмийн халуун байсан бол шөнө нь -10 хэмд хүрч хүйтэрч байжээ. Тиймээс Матеуш өдөрт 10 гаруй литр ус уухад хүрч байлаа. Заримдаа тэргэнцэр дээрээ 90 литр ус тавьж явах тохиолдол ч гарч байжээ. 

10 дугаар сарын 15-ны өдөр Матеуш Дорноговь аймгийн Сайншанд суманд амжилттай хүрсэн аж. Мань хүн 58 хоногийн дотор 1785 км замыг явганаар амжилттай туулав. Ийнхүү 34 настай залуу ардаа 200 орчим килограмм жинтэй ачаа, хүнс тавьсан тэргийг чирж замаа дуусгасан аж. Матеуш ганцаараа Говийг туулсан анхны польш хүн болжээ. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна