Ариана Гранде оны эмэгтэйгээр тодров
2018 оны 11 сарын 7
Америкийн жүжигчин, дуучин Ариана Гранде хөгжмийн Billboard сэтгүүлийн шалгаруулалтаар 2018 оны "Оны эмэгтэй" номинацид тэргүүлсэн байна. Түүнд шагнал гардуулах ёслолын ажиллагаа ирэх сарын 06-ны өдөр Нью-Йорк хотод болох юм. 

Ариана бүсгүй өөрийнхөөрөө байж чаддаг, ямарваа нэгэн тодорхой трэндэд захирагддаггүй тул энэ шагналын эзэн болсон гэдгийг шүүгчдийн бүрэлдэхүүн онцолсон байна. Дуучин бүсгүй хүйсийн тэгш эрхийн төлөө тэмцэж, галт зэвсгийг хяналт дор худалдаалахын төлөө үгээ хэлж, хар арьстнуудын эрхийг хамгаалахын тулд ажилладаг билээ. 

Өнгөрсөн жил Манчестер хотод болж байсан түүний тоглолтын үеэр алан хядах үйл ажиллагаа болсны Ариана бүсгүй буяны тоглолт зохион байгуулснаар хохирол амссан хүмүүст 23 сая доллар цуглуулж чадсан юм. Биллбоард 2015 онд Лэди Гагад, 2016 онд Мадоннад, өнгөрсөн жил Селена Гомест "Оны эмэгтэй" шагналаа гардуулсан билээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна