Роналду гоолдсон ч ”МЮ”-д хожигдов
2018 оны 11 сарын 8
Өнөө өглөө Аваргуудын лигийн хүрээнд дөрөвдүгээр тойргийн зургаан тоглолт болсон байна. Английн "Манчестер Юнайтэд" баг тоглолтын төгсгөлд хийсэн хоёр гоолынхоо ачаар Турин хотноо Италийн "Ювэнтус"-ыг буулган авчээ. Тоглолт нэлээн ширүүн тэмцэлдээнтэй болсон аж. Эхний гоол тоглолтын 65 дахь минутад орсон гэнэ. 

Португалийн шилдэг довтлогч Криштиану Роналду "Ювэнтус"-ын бүрэлдэхүүнд багтан Европын цомын төлөөх тэмцээнд анхны гоолоо оруулав. Ингэхдээ тэрбээр өөрийг нь дэлхий даяар алдартай болгосон багийг гомдоожээ. Харин тоглолтын 86 дахь минутад улаан чөтгөрүүд хаалттай цохилт хийх эрхтэй болсноор Хуан Мата гоёмсог гоолдож тооны харьцааг тэнцүүлжээ. 

Хэдхэн минутын дараа Эшли Янг торгуулийн талбай руу бөмбөг цохисноор "Ювэнтус"-ын тоглогч Алекс Сандро өөрийн хаалга руу гоолдсон аж. Талбай дээрээ хожигдсон ч "Ювэ" Н хэсгийн тэргүүлэгч хэвээр үлдэв. Тэд дөрвөн тоглолтын дараа есөн оноотой байгаа юм. Харин улаан чөтгөрүүд долоон оноотой болсноор жагсаалтын хоёрт бичигдэх болжээ. "Валенсия" таван оноотой, "Янг бойс" ердөө ганцхан оноотой байгаа аж. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна