Танихгүй хүнээс охинтой болоод гурван жилийн дараа суужээ
2018 оны 11 сарын 8
Нэгэн эмэгтэй үл таних эрэгтэйн үрийг суулгуулж хүүхэдтэй болоод, дараа нь амьдрал түүнтэй учирснаар гэрлэсэн байна. Амина Харт гэдэг австрали бүсгүй болон түүний нөхөр хүүхэдтэй болохыг маш их хүсдэг байсан бөгөөд төдөлгүй хосууд хүүтэй болсон ч харамсалтай нь хэдхэн долоо хоногийн дараа хүүхэд нь генийн маш ховор өвчний улмаас нас баржээ. Удалгүй тэд дахин хүүтэй болсон ч мөн л нөгөө гайт өвчнөөр түүнийгээ алдсан гэнэ. 

Эмч нар генийн ховор өвчин хүүхдүүдэд ээжээс нь удамшсан, гэхдээ зөвхөн хөвгүүдэд халтай гэдгийг хосуудад хэлжээ. Ийм онош сонссон нөхөр нь гутралд орж Амина бүсгүйг орхиж явсан гэнэ. Үр шилжүүлэн суулгах аргаар хүүхэдтэй болох хэрэгтэй гэж үзсэн Амина эсийн донорын эрэлд гарчээ. Тэрээр үр шилжүүлэн суулгаж, улмаар цоо эрүүл охин төрүүлээд, түүнийгээ Лэйла хэмээн нэрийдсэн аж. 

Амина бор арьс, хар үстэй хэдий ч шаргал үс, цайвар арьстай охинтой болжээ. Бүсгүйн сониуч зан хөдөлсөн тул охиныхоо эцгийг эрж эхэлсэн байна. Нэрийг нь мэддэг байсан учраас тун ч амархан олоод, уулзахыг хүсэж байгаагаа илэрхийлэн охиныхоо зургийг илгээжээ. Үл таних донор эцэг охинтойгоо уулзахыг зөвшөөрсөн бөгөөд улмаар тэд дотноссоноор хуримаа хийсэн гэнэ. Амина бүсгүй энэхүү сонирхолтой амьдралынхаа талаар "Би танай аавтай хэрхэн учирсан бэ?" хэмээх нэртэй ном бичсэн байна. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна