Дэлхийн хамгийн тэнэг нэртэй нисэх онгоцны буудлууд
2018 оны 11 сарын 27
Шинэ Зеландын Newshub хэвлэл дэлхийн хамгийн сонин, утгагүй нэртэй нисэх онгоцны буудлуудын жагсаалтыг хэвлэжээ. Уг жагсаалтын нэгдүгээр байрт БНТУ дахь Batman нисэх онгоцны буудал бичигдэв. Энэ буудал үйл ажиллагаагаа явуулдаг Батман хотын нэрээр нэрлэгдсэн аж. 

Удаах байрт Австралийн Useless Loop нисэх онгоцны буудал оржээ. Англи хэлнээс орчуулах юм бол “хэрэгцээгүй оосор гэсэн утгыг агуулна. Энэ нисэх онгоцны буудал Перт хотоос бараг 1000 км-ийн зайд оршдог бөгөөд мөн л үйл ажиллагаа явуулдаг хотынхоо нэрээр нэрлэгдсэн аж. 

Тус хэвлэл мөн Испанийн вант улсад үйл ажиллагаа явуулдаг Moron нисэх онгоцны буудлыг онцолсон байна. Испани хэлнээс орчуулах юм бол энэ нь “тэнэг” гэсэн утгатай үг юм. Уг нисэх онгоцны буудлыг Испани болон Америкийн цэргийн нисэх хүчин ашигладаг билээ. 

Түүнчлэн жагсаалтад Аляскад байрлах Eek буюу “айдас” гэсэн утгатай нисэх буудал, АНУ-ын “аюултай” гэгддэг Danger нисэх онгоцны буудлууд багтсан гэнэ.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна