Уул уурхайн дэд сайд О.Эрдэнэбулганыг суллажээ
2018 оны 12 сарын 5
Уул уурхайн дэд сайд асан О.Эрдэнэбулганыг нэг сарын хугацаатай цагдан хорьсон талаар бид мэдээлсэн билээ. Нийслэлийн прокурорын газраас Эрүүгийн хэргийн хянан шийдвэрлэх тухай хуулийн 14.9 дүгээр зүйлийн нэгдэх хэсгийн 1.2-т заасан үндэслэлээр цагдан хорих санал ирүүлсэн байдаг. 

Үүнийг 2018 оны 11 сарын 22 -ны өдөр хүлээн авч шийджээ. Улмаар  яллагдагч О.Эрдэнэбулганы өмгөөлөгч Х.Базаррагчаа дээрх шүүгчийн захирамжийг үндэслэлгүй хэмээн үзэж, Хан-Уул дүүргийн эрүүгийн хэргийн анхан шатны шүүхийн Ерөнхий шүүгчид гомдол гаргасан байна. Тус гомдлыг шүүх бүрэлдэхүүн хэлэлцээд тухайн цагдан хорих захирамжийг хүчингүй болгож шийдвэрлэжээ. 

Уул уурхайн дэд сайд асан О.Эрдэнэбулганыг үнэ тогтворжуулах хөтөлбөртэй холбоотой асуудлаар шалгаж байгаа гэх мэдээлэл бий. Мөн түүнийг Уул уурхайн дэд сайдаар ажиллаж байхдаа ураны лиценз наймаалсан байж болзошгүй гэсэн хэрэгт ч буруутган шалгаж байсан аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна