Солонгост ажилладаг залуу танхайн хэрэгт холбогджээ
2018 оны 12 сарын 6
БНСУ-ын Тэгү хотын цагдаагийн газар Монгол улсын иргэн А-г танхайн хэргээр энэ сарын 4-ний өдөр саатуулжээ. Тус улсад гэрээт ажилтнаар ирсэн иргэн А /23 настай/ ачааны машины жолооч 50 настай солонгос иргэнийг зодож, танхайрсан байна. Тэрбээр дуудлагаар очсон цагдаа нарт ч эсэргүүцэл үзүүлжээ. Иргэн А нь энэ сарын 4-ний өглөө үүрээр энэхүү хэргийг үйлдсэн бөгөөд тэрбээр Сөүл хот руу яаралтай явах гэж байсан байна.

Тэгү хотын цагдаагийн газар саатуулагдаад байгаа иргэн А нь өнгөрөгч арваннэгдүгээр сарын 26-ны өдөр үйлдвэрт ажиллахаар хуваарилагджээ. БНСУ-д очоод удаагүй байсан А нь танхайн хэрэг хийх болсон шалтгаан нь Монгол руу яаралтай буцах болсноос болжээ. Сөүл рүү явах гээд замын унаанд дайгдахаар ачааны машиныг зогсоосон байна. А нь жолоочтой хэл ойлголцохгүйн улмаас солонгос иргэнийг зодож танхайрчээ. Иргэн А-г Тэгү хотын цагдаагийн газар эрүүгийн хэрэг үүсгэн шалгаж байгаа аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна