Хайрттайгаа эв найртай байхын тулд хөлийг нь барьж өг
2018 оны 12 сарын 6
Хөлөнд нь 10 минутын турш иллэг, бариа хийвэл тухайн хүн танд нааштай хандах болно. Судалгаагаар хөлний иллэг, бариа хийх үеэр тухайн хүний биед окситоцин буюу “хайр дурлалын даавар” ихээр ялгардаг болох нь тогтоогдов. Судалгааг 40 эрэгтэйг хамруулан явуулжээ. Тэдний хөлөнд гараараа юм уу тусгай бариа заслын төхөөрөмжийн тусламжтайгаар иллэг хийж байсан гэнэ. 

Иллэг, бариа хийхийн өмнө болон дараа цусанд нь шинжилгээ хийж, окситоцины хэмжээг нь тогтоож байлаа. Энэхүү даавар төрөх үеэр, хөхөөр хооллох үеэр, тэврэлдэх үеэр юм уу дур ханах үеэр ихээр ялгардаг билээ. Тэгтэл гараараа хөлөнд нь иллэг, бариа хийсний дараа уг дааврын хэмжээ 51 хувиар нэмэгдэж байсан аж. Харин төхөөрөмжөөр хийсэн тохиолдолд ердөө 18 хувиар ихсэж байлаа. 

Хүний хөлөнд мэдрэлийн маш олон судасны төгсгөл байдаг. Тэгэхээр тэдэнд иллэг, бариа хийвэл ийм нааштай үр дүн гарч болдог аж. Өнгөрсөн жил мэргэжилтнүүд нэгэн сонирхолтой зүйлийг олж мэдсэн. Иллэг, бариа хийлгүүлж байгаа хүн төдийгүй бариаг хийж байгаа хүн хүртэл сэтгэл санаа нь эерэг байдаг гэнэ шүү. Бариа, засал хийлгүүлсэн хүн тайвширдаг бол бариа хийж байгаа хүн ч гэсэн сэтгэлийн амар амгаланг олдог байна. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна