Мөрөг загас 1,8 сая долларын үнэ хүрэв
2018 оны 12 сарын 25
Японд тэжээгдэж байгаа улаан-цагаан өнгийн S Legend гэдэг нэртэй Кои мөрөг загас 203 сая иен буюу 1,8 сая доллараар худалдагдсанаар хамгийн өндөр үнэд хүрсэн амьд загасаар тодорсон байна. Өмнөх дээд амжилтын эзнээс энэ загас 1,3 сая долларын өндөр үнэд хүрчээ. 

Маш ховор төрлийн Кохаку загасанд тооцогддог, нэг метр урт энэ Кои мөрөг загасыг Японы Хирошима хотын Саки гэдэг загасны аж ахуйгаас нэгэн хүн худалдан авчээ. Энэ эм загас өнгөрсөн жил Японы хамгийн том үзэсгэлэн худалдааны тэргүүн байрын шагналыг эзэлж байлаа. Түүнийг худалдаж авсан хүн бол Тайванийн Иньин гэдэг эмэгтэй юм. 

Энэ эмэгтэй үлэмж баян бөгөөд Кои загасыг цуглуулах хоббитой нэгэн аж. Кои мөрөг загас 10 гаруй төрөл байдгийн хамгийн ховор, үнэ цэнэтэй нь Кохаку гэнэ. Хоёр жилийн өмнө Кои мөрөг загасны экспортоос Япон 35 гаруй сая долларын орлого олсон байдаг. Сонирхолтой нь, хамгийн өндөр үнэтэй үхсэн загасыг ч мөн Японд борлуулжээ. 222 кг жинтэй туна загас 155 сая иен буюу 1,4 сая долларын үнэ хүрсэн билээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй