Жермэйн Дефо 10 жилийн өмнөх медалиа хүртэв
2018 оны 12 сарын 25
Английн хөлбөмбөгийн “Борнмут” багийн довтлогч Жермэйн Дефо католикчуудын тэмдэглэдэг Зул сарын баярын өмнө ер бусын бэлэг авчээ. Английн лигийн цомын тэмцээнийг зохион байгуулагчид довтлогч эрд 10 жилийн өмнө болсон тэмцээнд ялалт байгуулсных нь медалийг гардуулж өгсөн байна. 
2008 онд Дефо Лондон хотын “Тоттенхэм” багт тоглож байхдаа Лигийн цомын шигшээ тоглолт хүртэл явсан юм. Гэвч “Чэлси” багтай хийсэн шийдвэрлэх тоглолтын өмнө түүнийг “Портсмут” багт худалдсан билээ. Тэгэхэд “Тоттенхэм” баг цэнхэрүүдийг 2:1-ийн харьцаатай хожиж цомын эзэн болсон түүхтэй. Хэдийгээр Дефо шигшээ тоглолтод оролцоогүй ч дүрэм ёсоор ялагчийн медалийг зүүх эрхтэй. 
Тэмцээнийг зохион байгуулагчид үүнийг умартсан учраас ийнхүү 10 жилийн дараа алдаагаа зассан гэнэ шүү. Шагналыг хүртсэнийхээ дараа Дефо “Миний хувьд энэ бүхэн маш том гэнэтийн бэлэг байлаа. Би үнэхээр баяртай байна. Зул сарын сайхан бэлэг хүртлээ. Магадгүй, би энэ жил их сайн хүү байсан биз ээ” хэмээн хошигносон аж.
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
”Эрдэнэт”-ийн 49 хувийг төр буцааж авах нь зөв үү?
  • Зөв
  • Буруу
  • Мэдэхгүй