Дээрэм хийсэн хөлбөмбөгчин 7,5 жилийн ял сонсоно
2018 оны 12 сарын 28

Бразилийн хөлбөмбөгийн "Ботафого" багийн хагас хамгаалагч Эвертон Элено энэ оны наймдугаар сард хүч хэрэглэж дээрэм хийсэнд буруутгагдан цагдаа нарт саатуулагдсан билээ. Тэгвэл хэд хоногийн өмнө шүүх 28 настай тоглогчийг буруутайд тооцон шоронд 7,5 жил хоригдох ялаар шийтгэсэн аж. Хууль сахиулах байгууллага Эленог хамсаатныхаа хамтаар нэгэн залууг зодоод дээрэмдсэн гэж үзэв. Иймд хөлбөмбөгчин залууг хагас чөлөөт хэлбэрийн шоронд хорихоор шийтгэжээ. Ийм төрлийн шоронд өдөр нь юм уу шөнө нь хоригдох учиртай. Хөлбөмбөгчин залуу өөрийн бурууг хүлээгээгүй бөгөөд шившигтэй байдалд орсондоо гутарч байгаа гэнэ шүү. Тэрбээр сарын 7000 еврогийн цалинтай бөгөөд бусдын мөнгөнд шунах ямар ч шаардлагагүй гэж мэдэгджээ.

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна