Мората: Чамайг маш их санана даа, Фабрегас
2019 оны 1 сарын 7
“Чэлси”-гийн довтлогч Альваро Мората инстаграмаар дамжуулан багийн анд Сеск Фабрегаст зориулж чин зүрхний үгээ хэлжээ. Өнгөрөгч долоо хоногт Фабрегасыг “Монако” баг руу явах нь тодорхой болсон гэх мэдээлэл гарсан. Өнгөрөгч бямба гарагт “Ноттингэм Форест”-ын эсрэг тоглосон 31 настай тамирчин эр дөрвөн жил хагасыг өнгөрүүлсэн багийнхантайгаа сүүлийн тоглолтоо хийж буй мэт байсан юм. 

Тэмцээний сүүлийн хоромд гарч талбай дээр ирсэн тэрбээр сэтгэл хөдлөлөө илэрхийлж, өөрт байгаа цагаа ашиглан Стэмфорд Бриджтэй салах ёс гүйцэтгэж буй мэт харагджээ. 2:0-ээр “Чэлси”-гийн ялалтаар төгссөн энэхүү тэмцээний хоёр гоолыг довтлогч Мората оруулсан байна. 

Тоглолтын дараа Мората Инстаграмаараа дамжуулан испани анддаа баяртай гэж хэлжээ. “Чамайг ямар их санахыг минь чи төсөөлөх ч үгүй. Чамд болон гайхалтай гэр бүлд тань бидэнд чадах бүхнээрээ тусалж байсанд баярлалаа гэж хэлмээр байна. Хамтдаа байсан мөч бүхэндээ болон хийсэн бүхний чинь төлөө баярлалаа” хэмээн тэрбээр бичсэн байна. 
Гэхдээ Фабрегаст сайн сайхныг хүссэн цорын ганц тоглогч нь Мората байгаагүй юм. Эден Азард ч испани эрд хүндэтгэл үзүүлэх боломжоо ашиглажээ. “Энэ таван жилийн хугацаанд чамтай хамт талбай дээр гарч байснаараа би өөрийгөө азтайд тооцох болно” хэмээн Азард бичжээ. 
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна