Онгоцны осолд орсон эр 30 жилийн дараа хөл дээрээ зогсжээ (бичлэгтэй)
2019 оны 1 сарын 7
Стефен Маккой хэмээх энэ эр 30 жилийн өмнө Британид болсон онгоцны аймшигт ослоос азаар амьтай голтой үлдсэн ч цаашдаа амьдарч чадах эсэх нь тун эргэлзээтэй байжээ. Тун ноцтой гэмтэл авсны улмаас тэрбээр 18 сар ухаангүй байсны дээр ухаан орсноосоо хойшхи гурван жилийг эмнэлэгт өнгөрүүлэх хэрэгтэй болжээ. Үхлээс аврагдсан ч Стефен тархины гэмтэлтэй үлдэж, биеийн нэг тал нь саажилттай болсон юм. 

1989 оны нэгдүгээр сарын 08-нд Боинг 737 онгоц Хитроу нисэх буудлаас хөөрсний дараахан зүүн талын хөдөлгүүрт нь гэмтэл үүссэнээс болж энэхүү аймшигтай осол гарсан билээ. Энэхүү ослоос болж онгоцонд сууж явсан хүмүүсийн 47 нь амиа алдаж, 74 нь ноцтой гэмтэл авсан байна.

Стефений хувьд тэрбээр осолд орох үедээ 16 настай байсан ч аль хэдийнэ Бүх Ирландын боксын аварга болчихсон ирээдүйтэй тамирчин байжээ. Гэвч ослоос болж мөрөөдлөө орхиход хүрсэн түүний ганц хүсэл нь хөл дээрээ дахиж босох байсан гэнэ. 30 жилийн турш түүний хүсэж, залбирсан мөрөөдөл нэг л өдөр биеллээ олжээ. Тэрбээр хиймэл, цахилгаан тулгуур эрхтний тусламжтайгаар хөл дээрээ зогсож, анхны алхмаа хийсэндээ сэтгэл дүүрэн байгаа гэнэ. 


Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй