Шэйк, Күүпер нарын харилцаа хэвийн байгаа
2019 оны 1 сарын 8

Жүжигчин Брэдли Күүпер, супермодель Ирина Шэйк нарыг салж байгаа гэх мэдээлэл оны өмнөхөн гарсан. Тэгвэл хосууд өнгөрөгч ням гарагт болсон “Алтан бөмбөрцөг” наадамд хамтдаа ирснээр энэ цуу ярианд цэг тавьжээ. Брэдли, Шэйк нар нээлтийн ажиллагаа, улаан хивсний ёслол, шагнал гардуулах ёслолын үеэр ч олны нүдэн дээр нэг нэгнээ халамжилж харагдсан юм. 

Тус наадмын хоёр ч төрөлд нэр дэвшсэн нөхрийнхөө дэгжин байдлыг алдагдуулахгүйн тулд зангиаг нь засаж буй Иринагийн зураг олон нийтийн хайр хүндэтгэлийг хүлээжээ. Хосууд гар гараасаа хөтлөлцөн тун ч аз жаргалтай харагдсан нь тэдний харилцаанд ямар нэг асуудал байхгүй гэдгийг илэрхийлж байв. 

Тэдний хувьд өнгөрсөн жилийн тавдугаар сард Met Gala арга хэмжээнд ирснээс хойш хамтдаа харагдаагүй юм. Магадгүй энэ нь тэднийг салж байгаа гэх дуулианы эхлэл болсон болов уу. 

Брэдли Күүперийн хувьд дуучин Лэди Гагатай хамтран тоглосон “Од мэндэллээ” киногоороо “Алтан бөмбөрцөг” наадмын шилдэг эрэгтэй дүр, шилдэг найруулагч гэсэн хоёр төрөлд нэр дэвшжээ. 

Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
Дэргэдээ дадлагажих эмнэлэггүй хувийн 16 анагаах ухааны дээд сургуулийг аттестатчлалд оруулах хэрэгтэй юу?
  • Яаралтай оруулах хэрэгтэй
  • Хэрэггүй
  • Мэдэхгүй