56 сая төгрөгөөр Замын цагдаагийн хяналтын цэг байгуулжээ
2019 оны 1 сарын 10
Дорноговь аймагт 2018 онд орон нутгийн төсвийн 56 сая төгрөгийн хөрөнгө оруулалтаар Замын-Үүд, Эрдэнэ сумын нутаг дэвсгэрт Замын цагдаагийн байнгын хяналтын цэгийн барилгын ажлыг “Баялаг орчлон” ХХК гүйцэтгэж, 2018 оны 12 дугаар сарын 10-ны өдөр ашиглалтад оруулжээ.

Нээлтийн арга хэмжээнд УИХ-ын гишүүн Б.Дэлгэрсайхан, аймаг, сумын удирдлагууд, аймгийн Цагдаагийн газрын дарга Г.Эрдэнэбаатар, Замын-Үүд сумын Цагдаагийн хэлтсийн алба хаагчид болон тус сумын иргэдийн төлөөлөл оролцсон байна.

Дорноговь аймгийн Засаг даргын “Хөгжлийн төлөө хамтдаа” /2016-2020/ үйл ажиллагааны хөтөлбөрт “Тээврийн хэрэгслээр зорчигч иргэдийн аюулгүй байдлыг хангуулан зам тээврийн ослыг бууруулна” гэсэн зорилтын хүрээнд Улаанбаатар-Сайншанд-Замын-Үүдийн чиглэлийн босоо тэнхлэгийн авто зам дагуу замын цагдаагийн хяналтын цэг, Телекамерын хяналтын нэгдсэн төв байгуулах, хурд хэмжих тоног төхөөрөмжтэй болох зэрэг ажлыг зохион байгуулснаар аймгийн хэмжээнд зам тээврийн осол 18 хувиар буурсан гэж тус аймгийн ЗДТГ-аас мэдээллээ.

Эх сурвалж: Дорноговь аймгийн ЗДТГ
Эх сурвалж www.wikimon.mn
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна