Д.Дорлигжав өнөөдөр давж заалдана
2019 оны 1 сарын 11
Хууль зүйн сайд асан Д.Дорлигжав ШШГЕГ-ын харьяа урьдчилан хорих 461-р ангид анхан шатны шүүхийн шийдвэрийн дагуу нэг сар цагдан хоригдож байгаа юм. Тэрээр энэхүү шийдвэрийг хүлээн зөвшөөрөхгүй байгаагаа илэрхийлэн гурван өмгөөлөгчөөрөө дамжуулан давж заалдах шатны шүүхэд хүсэлт гаргажээ. Түүний гаргасан хүсэлтийн дагуу өнөөдөр Хан-Уул дүүргийн эрүүгийн хэргийн давж заалдах шатны шүүх хурал болох юм. Өнөөдрийн шүүх хурлаар түүнийг ялалт байгуулж хорих ангиас гарах магадлалтай байгааг эх сурвалжууд дуулгаж байв.

Сүүлийн хэд хоног “Aлтан дорнод Mонгол” компанийн захирал T.Ганболдын хэвлэлд өгөх ярилцлагынхаа үеэр ярьсан хууль зүйн сайд асан Д.Дорлигжавын тухай мэдээлэл олон нийтэд хүрсэнээс хойш үйл явдал хурдацтай өрнөж өдгөө тэрээр цагдан хоригдож буй. Түүнд Т.Ганболд гэх иргэн есөн сая ам долларыг түүний дарамт шахалтаас болж өгсөн гэсэн мэдээлэл өгсөн. Харин энэ хэрэг явдал болох үеэр Т.Ганболд өөрөө эрүүгийн хэргээр шалгагдаж байсан байдаг. Одоо харин түүний хэргүүд шийдэгдэж Д.Дорлигжавын талаар ноцтой мэдээллийг дэлгэж эхэлсэн. Т.Ганболдыг ярилцлага өгсөн өдөр Д.Дорлигжавын гэрт нь нэгжлэг хийж улмаар прокурорын зөвшөөрөлтэйгөөр тухайн өдрийнх нь үүрээр цагдан хорьсон байдаг.

Их хэмжээний хахууль бусдаас авсан хэрэгт холбогдуулан Д.Дорлигжавыг түүний төрсөн дүү Д.Баатар, баруун гар гэгддэг Ч.Бямбаа нарын хамт ШШГЕГ-ийн харъяа 461-р урьдчилан хорих ангид цагдан хорьсон билээ. Ингэхдээ Хан-Уул дүүргийн эрүүгийн хэргийн анхан шатны шүүхээс Нийслэлийн прокурорын газраас цагдан хорих таслан сэргийлэх арга хэмжээ авахуулахаар ирүүлсэн саналын дагуу яллагдагчаар тус бүрийг нэг сарын хугацаагаар цагдан хорихоор шийдвэрлэсэн.

Учир нь Дамбийгийн Дорлигжав нь Улсын Ерөнхий прокуророор ажиллаж байхдаа өөрийн төрсөн дүү Д.Баатарын үүсгэн байгуулсан “Рекат Монголиа “ ХХК-ий Голомт банк дахь дансаар Т.Ганболдын “Эн Ар Ай”, “Пайонеринг интернешил “компаниудаас 2011 оны есдүгээр сараас аравдугаар сар хүртэлх хугацаанд гурван удаагийн шилжүүлгээр дөрвөн сая ам.долларын хахууль авсан гэмт хэрэгт холбогдсон билээ.

Мөн Дамбий овогтой Баатар нь Улсын Ерөнхий прокуророо ажиллаж байсан өөрийн төрсөн ах Д.Дорлигжавтай хамтран өөрийнхөө “Рекат Монголиа “ ХХК-ий Голомт банк дахь дансаар Т.Ганболдын “Эн Ар Ай”, “Пайонеринг интернешил “ХХК-иудаас 2011 оны есдүгээр сараас аравдугаар сар хүртэлх хугацаанд гурван удаагийн шилжүүлгээр дөрвөн сая ам.долларын хахууль авсан гэмт хэрэгт холбогдсон. Мөн Чангаа овогтой Бямбаа нь Улсын Ерөнхий прокуророор ажиллаж байсан Д.Дорлигжав болон түүний төрсөн дүү Д.Баатар нартай хамтран Б.Баатарын үүсгэн байгуулсан “Рекат Монголиа” ХХК-ий Голомт банк дахь дансаар Т.Ганболдын “ Эн Ар Ай” “Пайонеринг интернешил “ ХХК-иудаас дөрвөн сая ам.долларын хахууль авсан гэмт хэрэгт холбогдсон үндэслэлээр тус тус цагдан хоригдож буй юм.
Эх сурвалж: Medee.mn
Эх сурвалж www.wikimon.mn
У.УРАНЦЭЦЭГ
Манай сайт танд таалагдаж байвал LIKE хийгээрэй. Танд баярлалаа.
Сэтгэгдлийг ачааллаж байна ...
Санал асуулга
У.Хүрэлсүхийн Засгийн газрын үйл ажиллагаанд та сэтгэл хангалуун байна уу?
  • Тийм
  • Дунд зэрэг
  • Явцгүй байна